Հայաստանն ու Ադրբեջանը հաստատել են իրենց շահագրգռվածությունը Ռուսաստանի միջնորդությամբ հակամարտության կարգավորման հարցում, և այդ աշխատանքը կշարունակվի։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։ «Կողմերը հաստատել են իրենց շահագրգռվածությունը՝ շարունակելու մեր միջնորդական ջանքերը, ուստի աշխատանքը կշարունակվի»,- ասել է Պեսկովը։ Հիշեցնենք, նախօրեին Սոչիում տեղի է ունեցել Պուտին-Փաշինյան-Ալիև եռակողմ հանդիպումը:
