Իլհամ Ալիևը շնորհակալություն է հայտնել Ռուսաստանի նախագահ Վլադիմիր Պուտինին հայ-ադրբեջանական սահմանին իրավիճակի սրմանն օպերատիվ արձագանքելու համար, փոխանցում է ՏԱՍՍ-ը։ «Ցանկանում եմ իմ երախտագիտությունը հայտնել ձեզ հայ-ադրբեջանական սահմանի գոտում սրմանը, էսկալացիային արագ արձագանքելու համար», - ՇՀԿ գագաթնաժողովի շրջանակներում Պուտինի հետ հանդիպմանն ասել է Ալիևը։ Նրա խոսքով, ո՛չ Հայաստանը, ո՛չ էլ Ադրբեջանը չեն ձգտել հակամարտության լայնածավալ սրման. «Ընդհանուր առմամբ, հրադադարը պահպանվում է արդեն մոտ երկու օր։ Սա խոսում է այն մասին, որ ոչ Հայաստանը, ոչ Ադրբեջանը [սահմանին հակամարտությունը] լայնածավալ սրման մտադրություններ չեն ունեցել»,- ասաց նա։
