Օվերչուկն ու Ալիևը քննարկել են տարածարջանում հաղորդակցությունների ապաշրջափակման հարցեր

Ադրբեջանի նախագահ Իլհամ Ալիևը հինգշաբթի օրը Ռուսաստանի Դաշնության փոխվարչապետ Ալեքսեյ Օվերչուկի հետ քննարկել է Հարավային Կովկասում հաղորդակցությունների ապաշրջափակման եռակողմ աշխատանքային խմբի գործունեությունը։

Այս մասին հայտնում են ադրբեջանական լրատվամիջոցները։

«Զրույցի ընթացքում քննարկվել են Ադրբեջանի, Ռուսաստանի և Հայաստանի եռակողմ աշխատանքային խմբի (փոխվարչապետների մակարդակով) գործունեության հարցերը, որը ստեղծվել է տարածաշրջանում տրանսպորտային և տնտեսական կապերը վերականգնելու նպատակով»,- նշվում է հաղորդագրության մեջ։

Բացի այդ, կողմերը մտքեր են փոխանակել Հյուսիս-Հարավ միջազգային տրանսպորտային միջանցքի շուրջ։