Թուրքիան օկուպացված Շուշիում գլխավոր հյուպատոսություն է բացելու

Թուրքիան օկուպացված Շուշիում գլխավոր հյուպատոսություն է բացելու: Այս մասին թուրք լրագրողներին ասել է Թուրքիայի նախագահ Ռեջեփ Թայիփ Էրդողանը։

Հիշեցնենք, Շուշին 2020 թվականի 44-օրյա պատերազմի ժամանակ օկուպացվել է Ադրբեջանի կողմից։

Էրդողանի խոսքով, Շուշին «Ադրբեջանի ձգողականության գլխավոր կենտրոնն է»։

Էրդողանը նաև ասել է, որ Շուշիում իրականացվող ենթակառուցվածքային նախագծերի ավարտը, այդ թվում՝ թուրքական ընկերությունների մասնակցությամբ, կմեծացնի զբոսաշրջիկների հոսքը քաղաք։