ՀՀ-ն Բաքվում մասնակցում է ԱՊՀ երկրների սահմանապահ զորքերի հրամանատարների խորհրդի նիստին

Բաքվում ընթանում է ԱՊՀ երկրների սահմանապահ զորքերի հրամանատարների խորհրդի 86-րդ նիստը:

Ինչպես հայտնում է "Սպուտնիկ Ադրբեջանը", միջոցառմանը մասնակցում են Հայաստանի, Ռուսաստանի, Բելառուսի, Ղազախստանի, Ղրղզստանի, Ուզբեկստանի, Տաջիկստանի, Թուրքմենստանի և սահմանային ծառայությունների ներկայացուցիչները։ Հրապարակված լուսանկարում էլ երևում է հայկական եռագույնը:

Նշվում է, որ հանդիպման մասնակիցները կքննարկեն ԱՊՀ անդամ երկրների սահմաններին տիրող իրավիճակը և դրա շուրջ զարգացումները։