Վրաստանն իր տարածքում տեղակայել է Ֆրանսիայից գնված հակահրթիռային պաշտպանության համակարգ։ Այս մասին հայտարարել է Վրաստանի պաշտպանության նախարար Լևան Իզորիան խորհրդարանում հանձնաժողովային լսումների ժամանակ։Նա նշել է, որ Թբիլիսին պատրաստ է շարունակել համագործակցությունը Փարիզի հետ անվտանգության ոլորտում։ Իզորիան հավելել է, որ հետագայում ծրագրված է ֆրանսիական կողմից վրացի սպաերի վերապատրաստումը, ովքեր կղեկավարեն ՀՕՊ համակարգը։«Մենք անում ենք հնարավոր ամեն բան, որպեսզի համագործակցության առաջին փուլի շրջանակում մեր օդային տարածքը լինի ավելի պաշտպանված, և մենք պատրաստ ենք շարունակելու աշխատանքը երկրորդ փուլի վրա մեր ֆրանսիացի գործընկերների հետ»,-ասել է Իզորիան։Վրաստանի կողմից ֆրանսիական ՀՕՊ համակարգերի գնման մասին համաձայնագրերը ստորագրվել են 2015 թվականի ամռանը։
