Վրաստանի Գուդաուրի լեռնադահուկային հանգստավայրում ճոպանուղին վթարվել է, մարդիկ են վնասվել: Այս մասին գրում են վրացական ու ռուսական լրատվամիջոցները: Ռուսթավի 2-ի փոխանցմամբ, ճոպանուղին շարթից դուրս է եկել ու տասնյակ մարդիկ են վնասվել: Ութ մարդու հոսպիտալացրել են: «Վնասվածքներ են ստացել Ուկրաինայի չորս, Ռուսաստանի երկու, Շվեդիայի մեկ եւ Վրաստանի մեկ քաղաքացիներ: Տեղական հիվանդանոցում այս պահին գտնվում է յոթ մարդ, նրանց վիճակը ծանր չէ», - նշում են ԶԼՄ-ները ու հավելում, որ վնասված մարդկանցից մեկն արդեն դուրս է գրվել: Նշվում է, որ առավել մեծ վնասվածքներ են ստացել Ուկրաինայի եւ Շվեդիայի քաղաքացիները: Նրանցից մեկը գլխի հատվածում է վնասվածք ստացել, իսկ մյուսը հղի կին է: Նրանց տեղափոխելու են Թբիլիսի՝ հետագա բուժման համար:
