«Հյուսիս–Հարավ» նախագիծն ամենառեալ միջազգային նախագիծն է, այդ պատճառով Իրանն աջակցում է այդ նախագծի կյանքի կոչմանը։ Այդ մասին հայտարարել է Ադրբեջանում Իրանի դեսպանատան մամուլի խոսնակ Մուհամեդ Ռեզա Նաջաֆին։Նա նշել է, որ երկու երկրների կառավարությունների միջև քննարկումներ են գնում Ադրբեջանի կողմից Իրանին 500 միլիոն դոլարի վարկի տրամադրման շուրջ`այդ նախագծի իրականացումն արագացնելու նպատակով։Նա հավելել է, որ Բաքու–Թբիլիսի–Կարս ու Հյուսիս–Հարավ նախագծերի իրականացումը Ադրբեջանին կդարձնեն տարածաշրջանում տրանսպորտային գլխավոր միջանցք։
