17.11.2026
Հայաստան կժամանի Գերմանիայի արտաքին գործերի նախարարը
prev Նախորդ նորություն

Մենք Ռուսաստանի դեմ ոչինչ չունենք. ԱԺ նախագահ

Հայաստանը երկաթուղիների հարցում կարող է կորցնել մրցակցային առավելությունը։ Այս մասին լրագրողների հետ ճեպազրույցում հայտարարել է ԱԺ նախագահ Ռուբեն Ռուբինյանը:


«Կա խնդիր՝ ՌԴ հետ փոխկապակցված ընկերությունները սանկցիաների տակ են ու ստեղծվում է մի իրավիճակ, որ մենք կարող ենք կորցնել մեր մրցակցային առավելությունը»,- նշեց նա։


Նա բողոքեց ռուսական կողմից՝ նշելով, թե հայկական երկաթուղիները վերազինման կարիք ունեն, բայց ՌԴ-ն, կարծես, այդքան էլ հակված չէ դա անել, մտավախություն ունենալով, թե դա եկամտաբեր չի լինելու։ Միևնույն ժամանակ Ռուբինյանը նշեց, որ կա բարիդրացիական քննարկում, հետևապես ինքը հույս ունի, որ շուտով կհասնեն որևէ հանգուցալուծման:


«Ես չեմ համարում սա աշխարհաքաղաքական հարց, այն տնտեսական է։ Եվ մենք պետք է հասնենք մի լուծման, որի արդյունքում կպահպանենք մեր տնտեսական մրցակցային առավելությունները»,- ասաց նա։


Ապա ավելացրեց.


«Մենք Ռուսաստանի դեմ ոչինչ չունենք, բայց մենք ունենք խնդիրներ մեր մեկուսացման դեմ և չենք ուզում մնալ մեկուսացման մեջ: Լուծումներ են պետք, որ չկորցնենք տրանզիտ երկիր դառնալու հնարավորությունը»:


 

 Լուսանկարը` mfa.am
16.11.2026
Հայաստանն ու Հունաստանը քննարկել են ԵՄ-ի հետ գործընկերությունն ու խաղաղությունը