Թուրքիայի Դեմրե քաղաքում, որը գտնվում է Անտալիայի գավառում, սպանվել է ծագումով հայ Վրաստանի քաղաքացի 51-ամյա Աննա Սաֆարյանը: Ինչպես հայտնում է Hurriyet-ը, սեպտեմբերի 10-ին կնոջը դանակի վեց հարված են հասցրել, այդ թվում՝ վզի հատվածում, որից հետո հարձակվողը փախուստի է դիմել: Ստացված վնասվածքներից Վրաստանի քաղաքացին մահացել է Դեմրե քաղաքի հիվանդանոցում: Հանցագործության հետքերով ձերբակալվել է 44-ամյա Մեսութ Օզկանը, որը տեղացի է եղել: Բերման ենթարկելու ժամանակ նա գտնվել է ալկոհոլի ազդեցության տակ: Նրա խոսքով՝ լավ ծանոթ է սպանվածի հետ, իսկ հանցագործության պատճառը եղել է փողը: Սպանությունից մի քանի օր առաջ Մեսութ Օզկանն Աննա Սաֆարյանին 400 լիրա էր պարտքով տվել եւ տեւական ժամանակ ու անարդյունք այն հետ պահանջել:
