Լիբանանյան բանակը հրետանային կրակ է բացել Սիրիայի հետ սահմանին «Իսլամական պետություն» ահաբեկչական խմբավորման դիրքերի ուղղությամբ: Այս մասին գրում է ՌԻԱ Նովոստին՝ վկայակոչելով Լիբանանի բանակի հրամանատարության հայտարարությունը:«Բանակային ստորաբաժանումները հրետանային եւ հրթիռային կրակ են բացել լեռնային Ռաաս-Բաալբեք եւ Ալ-Քաա շրջաններում ահաբեկիչների դիրքերի ուղղությամբ»,- ասված է հայտարարությունում:Վերջին երկու շաբաթներին Լիբանանի բանակը սկսել է գնդակոծել ահաբեկիչների դիրքերը: Ռազմական փորձագետների կարծիքով՝ այս գործողությունները Լիբանանի տարածքն ԻՊ-ից ազատագրելու ցամաքային գործողության նախապատրաստման մաս են կազմում:
