Ռուսաստանը չի պատրաստվում որևէ մեկի հետ մրցակցել Կատարի և տարածաշրջանի մի շարք երկրների միջև հակամարտության կարգավորման համար: Այս մասին հայտարարել է ՌԴ ԱԳ նախարար Սերգեյ Լավրովը: «Մենք սատարում ենք քուվեյթյան նախաձեռնությանը, մենք չենք ցանկանում որևէ մեկի հետ մրցակցել: Մենք ունենք լավ հարաբերություններ այն երկրների հետ, որոնք հայտնվել են այս դժվարին իրավիճակում»,- ասել է ռուս նախարարը: Նրա խոսքով, ՌԴ-ն գտնում է, որ Քուվեյթի նախաձեռնությունը արժանի է աջակցության բոլոր նրանց կողմից, ովքեր կարող են այս իրավիճակի վրա դրական ազդեցություն ունենալ: Ռուսաստանը, ըստ Լավրովի, պատրաստ է աջակցություն տրամադրել բոլոր այն ձևաչափերում, որոնք ընդունելի են իրավիճակի բոլոր մասնակիցների համար:
