Կարգապահական վարույթ՝ Արշակ Սրբազանի գործից հրաժարված դատավորի դեմ

Արշակ Սրբազանի գործով դատավորը, որն ինքնաբացարկ էր հայտնել, հայտնվել է Բարձրագույն դատական խորհրդի ուշադրության կենտրոնում:

Գևորգ Մանուկյանի դեմ ԲԴԽ-ն բողոք է ներկայացրել Արդարադատության նախարարությունը: Մինչև նիստի օրը թե՛ նախարարությունը, թե՛ ԲԴԽ-ն չեն հրապարակում, թե ինչն է հարուցել նախարարության դժգոհությունը:

«Ազատության» տվյալներով, պատճառը հենց Արշակ արքեպիսկոպոս Խաչատրյանի գործն է, երբ հենց առաջին նիստին դատավոր Մանուկյանը հրաժարվել էր քննել այն:

Սրբազանի փաստաբանները դատավորին բացարկ էին հայտնել, նշել, որ Մանուկյանը նախկինում աշխատել է Արմավիրի քննչականում, որն էլ քննել է բարձրաստիճան հոգևորականի դեմ քրեական վարույթը, և ընդգծել էին, թե թեև այս պահին չկան օբյեկտիվ տվյալներ դատավորի՝ կաշկանդված լինելու մասին, բայց հետագայում չի բացառվում դա։ Դատավորն էլ որոշել էր ինքնաբացարկ հայտնել:

Արշակ Սրբազանն ամբաստանյալի աթոռին է հայտնվել յոթ տարի առաջ ուրիշի պայուսակի մեջ թմրամիջոց գցելու մեղադրանքով:

Նման մի բողոք էլ կա Ամենայն հայոց կաթողիկոսի գործի քննությունից հրաժարված դատավորի դեմ: Հակոբ Մանուկյանը հենց առաջին նիստին էր հրաժարվել գործի քննությունից: Պատճառաբանել էր, թե Կաթողիկոսի փաստաբան Արա Զոհրաբյանն է ժամանակին իրեն փաստաբանի արտոնագիր տվել: Դատավորի գնահատմամբ՝ այս հանգամանքը կարող էր անաչառ դիտորդի մոտ կասկած հարուցել իր օբյեկտիվության վերաբերյալ։

Գարեգին երկրորդն ու ևս վեց հոգևորականները մեղադրվում են դատական ակտը չկատարելու