Պապիկյանն ու Մաթիաշվիլին քննարկել են պաշտպանական համագործակցությունը

Պաշտպանության նախարար Սուրեն Պապիկյանը ՊՆ վարչական համալիրում հանդիպել է Վրաստանի պաշտպանական ուժերի հրամանատար, գեներալ-լեյտենանտ Գիորգի Մաթիաշվիլիի հետ։ Այդ մասին հայտնում են ՊՆ-ից։

Պապիկյանը և Մաթիաշվիլին քննարկել են պաշտպանության ոլորտում Հայաստանի և Վրաստանի միջև համագործակցությանը, ինչպես նաև տարածաշրջանային անվտանգությանը վերաբերող հարցեր։

Հիշեցնենք՝ պաշտոնական այցով Հայաստան է ժամանել Գիորգի Մաթիաշվիլին։

ՊՆ վարչական համալիրում տեղի է ունեցել Մաթիաշվիլիի դիմավորման պաշտոնական արարողությունը՝ զինվորական նվագախմբի և պատվո պահակախմբի մասնակցությամբ։