Իսրայելը թույլ չի տա Իրանին Սիրիայում ստեղծել ծովային և ավիացիոն բազաներ։ Այդ մասին հայտարարել է Իսրայելի պաշտպանության նախարար Ավիգդոր Լիբերմանը, փոխանցում է ՏԱՍՍ–ը։Նա նշել է, որ խոսքը գնում է Սիրիայում իրանական ծովային և ավիացիոն բազաների ստեղծման, շիական խմբավորումների գործունեության մասին, ինչպես նաև Լիբանանում արդի զենքերի արտադրության։Ըստ նրա, Իսրայելը չի համակերպվելու այդպիսի փորձերի հետ և դիտորդի դերում չի մնալու։
