Փորձագետ. Թուրքերը զգուշանում են Իրաքյան Քրդստանի հանրաքվեից

Սեպտեմբերի 25–ին անկախության հանրաքվեին պատրաստվող Իրաքյան Քրդստանին սպառնում է ռազմական հակամարտությունը Թուրքիայի ու իրաքյան կենտրոնական կառավարության հետ, փոխանցում է ng.ru կայքը։

Փորձագետ Վիկտոր Նադեին–Ռաևսկին հայտարարել է, որ թուրքերն ունեն ռազմական ներկայություն Իրաքում և այն կարող է մեծանալ։ Թուրքերը զգուշանում են Իրաքյան Քրդստանի հանրաքվեից, քանի որ դա կարող է ազդել թուրքական Քրդստանի վրա։

Նրա խոսքով, եթե Անկարան հարձակում սկսի, ապա բախվելու է իրաքյան փեշմերգայի ուժերին։

Նադեին–Ռաևսկին նշել է, որ փեշմերգան զգալի ռազմական ներուժ ունի, իսկ Քրդական բանվորական կուսասկցության ուժերը, որոնք նույնպես առկա են Իրաքյան Քրդստանում, հիմնականում պարտիզանական ջոկատներ են ներկայացված։