Սիրիայում ԱՄՆ–ի հիմնական նպատակն է Բաշար Ասադի տապալումն ու Սիրիայի միասնականության կազմաքանդումը, մասնավորապես Սիրիայի քրդերի ջոկատների միջոցով։ Այդ մասին հայտարարել է արևելագետ Բորիս Դոլգովը, փոխանցում է ng.ru–ն։Ըստ նրա, ԱՄՆ–ի նպատակն է Ասադի տապալումն ու Սիրիայի, որպես պետության, կազմաքանդումը, նրանք խաղադրույք են կատարել իսլամիստների վրա, իսկ երբ դա չաշխատեց` քրդերի վրա։ Նրա խոսքով, սիրիացի քրդերի մինիմալ նպատակն է լայն ինքնավարությունը, իսկ առավելագույն նպատակը անկախ պետականության ստեղծումը, ինչը տեղավորվում է ԱՄՆ–ի ծրագրերի մեջ տարածաշրջանում։
