Թուրքական բանտերում 171 թուրք լրագրող կա

Ներկայում թուրքական բանտերում 171 թուրք լրագրողներ կա։ Hurriyet-ի փոխանցմամբ՝ այս մասին ասվում է ընդդիմադիր «Ժողովրդական հանրապետություն» կուսակցության զեկույցում։

Զեկույցի համաձայն՝ 171 լրագրող բանտում է գտնվում, իսկ վերջին տարիներին 187 լրատվամիջոց է փակվել։ Դրանց թիվը հատկապես ավելացել է 2016 թվական հուլիսին կայացած պետական հեղաշրջման փորձից հետո։

Կուսակցության անդամ Ուտքու Չաքիռեզերի խոսքով՝ անհրաժեշտ է վերջ դնել լրագրողների կալանքի հետ կապված այդ խայտառակությանը։

«Լրագրողներին չպետք է բանտարկել՝ իրենց կարծիքի, հոդվածների ու քննադատության պատճառով»,-ասել է Չաքիռեզերը։ «Եթե մենք չկարողանանք լրատվամիջոցների ազատությունն ապահովել, իրավունքների եւ արդարության մասին խոսելով՝ մենք երբեք ժողովրդավարության չենք հասնի»,-նշել է նա։