Եթե հանրաքվեն տապալվի՝ Բարզանին հրաժարական կտա

Եթե անկախության հարցով հանրաքվեն տապալվի, ապա Իրաքյան Քուրդիստանի ղեկավար Մասուդ Բարզանին հրաժարական կտա իր պաշտոնից: Այս մասին նա հայտարարել է անձամբ:

Demokrathaber.org-ի հաղորդմամբ, հանրաքվեն կանցկացվի  սեպտեմբերի 25-ին, որին կհաջորդեն խորհրդարանական ընտրությունները՝  նոյեմբերի 6-ին:

Բարզանին հույս է հայտնել, որ սեպտեմբերի 25-ը քրդերի համար կդառնա անկախության տոն, իսկ եթե այդպես չլինի, ապա ինքը կհեռանա Իրաքյան Քուրդիստանի ղեկավարի պաշտոնից:

Ավելի վաղ Բարզանին ֆրանսիական France 24 հեռուստաալիքին տված հարցազրույցում ասել էր, որ եթե հանրաքվեն խոչընդոտվի, ապա դա կդառնա նոր արյունալի պատերազմի պատճառ:

Նշենք, որ հանրաքվեի առթիվ իրենց դժգոհությունն են հայտնել ԱՄՆ-ն, Թուրքիան, Իրանն ու պաշտոնական Բաղդադը: