Կատարը ողջունում է Դոհայի և Պարսից ծոցի երկրների միջև ճգնաժամի հարցում ՌԴ դիրքորոշումը

Կատարը ողջունում է Դոհայի և Պարսից ծոցի երկրների միջև ճգնաժամի հարցում Ռուսաստանի դիրքորոշումը:  Այս մասին հայտարարել է Կատարի ԱԳ նախարար Մուհամմադ բեն Աբդուռահման ալ Թանին՝ ՌԴ արտաքին գործերի նախարար Սերգեյ Լավրովի հետ բանակցություններից հետո: Այս մասին գրում է ՌԻԱ Նովոստին:

«Մենք խոսել ենք նաեւ ծոցի ճգնաժամի հարցում Ռուսաստանի դիրքորոշման մասին. հարկավոր է հնարավորինս արագ դադարեցնել ճգնաժամը, սատարել Քուվեյթի էմիրի ջանքերը, պահպանել համագործակցության խորհրդի միասնականությունը: Կատարը ողջունում է սա եւ երախտագիտություն հայտնում Ռուսաստանի նախագահին այս դիրքորոշման համար»,- ասել է ալ Թանին: