Թուրքիայի ԱԳ նախարար Մևլութ Չավուշօղլուն հայտարարել է, որ իր երկրի իշխանությունները այս պահին չեն պատրաստվում ցամաքային գործողություններ իրականացնել Սիրիայի տարածքում՝ "Իսլամական պետության" դեմ: "Այս պահին չի քննարկվում ցամաքային գործողության հարցը, սակայն ապագայում, ինչ պահանջվում է Իսլամական պետության գրոհայինների դեմ պայքարում, այդ թվում ցամաքային գործողություն, պետք է իրականացվի: Դա իմ անձնական կարծիքն է", - նշել է նախարարը: Փոխանցում է Ռեյթերը: Ավելի վաղ Թուրքիայի փոխարտգործնախարար Ֆերիդուն Սինիրլիօղլուն հայտարարել է, որ Թուրքիան և ԱՄՆ-ը համաձայնեցրել են Սիրիայի հյուսիսում անվտանգության գոտու ստեղծման հարցը: Նրա խոսքով, այդ գոտի Իսլամական պետության կամ Քրդական բանվորական կուսակցության գրոհայինների մուտք գործելու դեպքում ԱՄՆ-ի և Թուրքիայի ուժերը նրանց դիրքերին հարվածներ կհասցնեն:
