20.11.2026
Գիշերային հրդեհ Երևանում․ Գուրգեն Մահարու փողոցում այրվել է խմորեղենի արտադրամասը
prev Նախորդ նորություն

Մեկ օրում զենքի երեք թաքստոց․ Շիրակում զինանոց է հայտնաբերվել

Ոստիկանության տարածքային ստորաբաժանումների ծառայողների կողմից հետևողականորեն իրականացվող միջոցառումների և բացատրական աշխատանքի շնորհիվ շարունակվում են ապօրինի պահվող զենք-զինամթերքի կամավոր հանձնումները:


ՆԳՆ ոստիկանության փոխանցմամբ՝ քրեական ոստիկանության Շիրակի մարզային վարչության ծառայողների բացատրական աշխատանքի արդյունքում նոյեմբերի 18-ին ՆԳՆ 112 օպերատիվ կառավարման կենտրոն զանգած քաղաքացին հայտնել է, որ Գյումրի քաղաքի Մարմաշեն խճուղուց Աշոցք թաղամաս տանող ճանապարհին զենք-զինամթերք է թողել։


Քաղաքացու նշած վայրում քրեական ոստիկանները հայտնաբերել են «ԱԿ-74» տեսակի ինքնաձիգ, «ՏՕԶ» տեսակի մեկփողանի որսորդական հրացան, նռնակի 14 պայթուցիչ,


ծխահան և տարբեր տրամաչափի փամփուշտներ։


Ապօրինի պահվող զենք-զինամթերքի կամավոր հանձնման դեպք է գրանցվել նաև Համայնքային ոստիկանության Կումայրիի բաժնի ծառայողների բացատրական աշխատանքի արդյունքում։


Օպերատիվ կառավարման կենտրոն զանգած քաղաքացին զենք-զինամթերք էր թողել Գյումրիի գերեզմանատան հարակից կիսաքանդ շինության մոտ, որտեղ էլ համայնքային ոստիկանները հայտնաբերել են թմբուկավոր և գազային ատրճանակներ, նռնակ, ինքնաձիգի պահեստատուփ՝ 3 փամփուշտով, տարբեր տրամաչափի 68 փամփուշտ և ծխահան։


Զենք-զինամթերքի կամավոր հանձնման հերթական դեպքն է գրանցվել Համայնքային ոստիկանության Ամասիայի բաժնի ծառայողների բացատրական աշխատանքի արդյունքում։


Նոյեմբերի 18-ին ՆԳՆ օպերատիվ կառավարման կենտրոն զանգած քաղաքացին զենք-զինամթերք էր թողել Ամասիա-Բանդիվան ճանապարհի հարակից մատուռի մոտ։


Համայնքային ոստիկանները նշված վայրում հայտնաբերել են «Մակարով» տեսակի ատրճանակ, նռնակ, նռնակի պայթուցիչ և փամփուշտներ։


ՆԳՆ ոստիկանությունը հորդորում է քրեական պատասխանատվությունից խուսափելու համար կամավոր հանձնել ապօրինի պահվող զենք-զինամթերքը։


 


 

 Կոլաժը` VERELQ
19.11.2026
Նոր Սահմանադրության նախնական նախագիծը կհրապարակվի հաջորդ շաբաթ․ Փաշինյան