Հայաստանում Վրաստանի նոր դեսպան է նշանակվել Թբիլիսիի պետական համալսարանի նախկին ռեկտոր Գիորգի Շարվաշիձեն։ Վարչապետ Իրակլի Ղարիբաշվիլին արդեն հանդիպել է դիվանագետի հետ և շնորհավորել նշանակման կապակցությամբ՝ մաղթելով հաջողություններ աշխատանքում։ Շարվաշիձեն տարբեր պաշտոններ է զբաղեցրել կրթության նախարարությունում, այդ թվում՝ փոխնախարար։ 2016-2022 թվականներին նա եղել է Թբիլիսիի պետական համալսարանի ռեկտոր։
