Ռուսաստանի նախագահ Վլադիմիր Պուտինը սեպտեմբերի 9-ին հայտնել է, որ Բելառուսի նախագահ Ալեքսանդր Լուկաշենկոյի հետ բանակցություններում համաձայնեցվել են երկու երկրների միջեւ ինտեգրացիոն գործընթացների հետագա խորացման 28 ծրագրեր: Այս մասին հայտնում է «Ինտերֆաքսը»։
«Այսօր կցանկանայի գոհունակությամբ նշել, որ համաձայնեցվել են բոլոր 28 ծրագրերը», - ասել է Պուտինը Լուկաշենկոյի հետ բանակցությունների արդյունքներով: Նա նշել է, որ մի քանի տարի շարունակ եռանդուն աշխատանք է տարվել Ռուսաստանի և Բելառուսի միջև ինտեգրացիոն գործընթացների հետագա խորացման վերաբերյալ փաստաթղթերի փաթեթի վրա:
«Խոսքը վերաբերում է 28, այսպես կոչված, միութենական ծրագրերի, որոնք ուղղված են տնտեսության տարբեր ոլորտներում Ռուսաստանի եւ Բելառուսի օրենսդրության միասնականացմանը, երկու երկրների տնտեսավարող սուբյեկտների գործունեության պայմանների հավասարեցմանը, միասնական ֆինանսական և էներգետիկ շուկաների, տրանսպորտային տարածության կառուցմանը, ընդհանուր արդյունաբերական եւ գյուղատնտեսական քաղաքականության ձեւավորմանն ու իրականացմանը», - պարզաբանել է Պուտինը:
Նա հայտնել է, որ վաղը պլանավորվում է հավանություն տալ Մինսկում Միութենական պետության նախարարների խորհրդի նիստում:
«Դրանից հետո դրանք կդրվեն Միութենական Պետության բարձրագույն պետական խորհրդի հաստատմանը, որի նիստը պլանավորվում է անցկացնել մինչեւ ընթացիկ տարվա վերջ։ Մենք պայմանավորվել ենք Ալեքսանդր Գրիգորեւիչի հետ, այժմ կտեսնենք մեր գրաֆիկները եւ կորոշենք քիչ թե շատ ճշգրիտ ամսաթիվը», - հայտնել է ՌԴ նախագահը:
Իր հերթին Լուկաշենկոն Պուտինի հետ բանակցություններից հետո կայացած մամուլի ասուլիսում հայտարարել է, որ ՌԴ-ի եւ Բելառուսի ինտեգրումը բացառապես փոխշահավետ բնույթ է կրում, բոլոր ծրագրերն ուղղված են երկու երկրների ժողովուրդների բարեկեցության աճին:
«Ես խնդրում եմ Բելառուսի մեր քննադատներին, որոնք շատ են, եւ փախած, եւ Բելառուսում ապրող, այսպես կոչված, ընդդիմադիրները, քննադատելով ինձ եւ իշխանություններին, բղավում էին: Ահա ես ուզում եմ հարցնել նրանցից, իսկ Ռուսաստանում մեր ինտեգրման քննադատներից ուզում եմ հետաքրքրվել, թե որտեղ եք այստեղ տեսնում Ռուսաստանի Դաշնության ոտքը։ Բելառուսի և Ռուսաստանի ժողովուրդների համար այդ ծրագրերում ոչ մի վատ բան չկա և չէր էլ կարող լինել։ Ամեն ինչ ուղղված է մեր ժողովուրդների բարեկեցության աճին։ Եվ պետք է արդեն վերջակետ դնել այդ բոլոր խոսակցություններին. մեր ինտեգրումը բացառապես փոխշահավետ բնույթ է կրում», - ընդգծել է Լուկաշենկոն։
Ի՞նչ են պայմանավորվել Պուտինն ու Լուկաշենկոն
Ռուսաստանի և Բելառուսի միությունն օրինակ է՝ «բուլդոզեր», որը կհարթի ԱՊՀ տարածքում հետագա միավորումների ճանապարհը, նշել է Լուկաշենկոն:
Բանակցություների արդյունքում կողմերը համաձայնեցրել են են երկու երկրների միջև ինտեգրացիոն գործընթացների հետագա խորացման բոլոր 28 ծրագրերը, որոնք են.
1. Բելառուսի համար ռուսական բնական գազի գինը 2022 թվականին կպահպանվի ընթացիկ տարվա՝ 128 դոլարի մակարդակում։ Մինչեւ 2023 թվականի դեկտեմբերի 1-ը կստորագրվի երկու երկրների գազի շուկաների միավորման մասին փաստաթուղթ:
2. Նախագահները պայմանավորվել են ապագայում միավորել Ռուսաստանի եւ Բելառուսի էլեկտրաէներգիայի եւ նավթամթերքների շուկաները:
3. Մոսկվայի վարկերի ընդհանուր ծավալը Մինսկից 2021 թվականի սեպտեմբերից մինչեւ 2022 թվականի վերջը կկազմի մոտ 630-640 մլն դոլար:
4. Պայմանավորվել են միութենական պետության երկու երկրների տնտեսվարող սուբյեկտների հավասար իրավունքների շուրջ:
5. Ռուսաստանը և Բելառուսը պայմանավորվել են անցնել միասնական արդյունաբերական քաղաքականության, պետական գնումների և պետպատվերի ընդհանուր հասանելիության:
6. Ռուսաստանի եւ Բելառուսի քաղաքացիները կստանան հավասար իրավունքներ եւ հնարավորություններ տնտեսական եւ սոցիալական ոլորտներում միութենական պետության շրջանակներում:
7. Երկրները կստեղծեն միասնական մեթոդաբանություն բոլոր անուղղակի հարկերի հաշվառման համար, նաեւ կստեղծվի մարմին, որը կհետեւի դրան:
Քաղաքական միավորման մասին խոսք չի գնացել բանակցություններում։ Պուտինը հնարավոր է համարել, որ ապագայում կարող է ստեղծվել Միութենական պետության խորհրդարան, սակայն նշել է, որ այն ներկա հանդիպմանը չեն քննարկել:
