Ալմաթիում ինքնաթիռի վթարից տուժածների և զոհվածների թվում ՀՀ քաղաքացիներ չկան. դեսպանատուն

Ղազախստանում ՀՀ դեսպանատունը տեղեկացնում է, որ նախնական տվյալներով Ալմաթի-Նուր-Սուլթան մարդատար ինքնաթիռի վթարից տուժածների և զոհվածների թվում ՀՀ քաղաքացիներ չկան:

««Bek Air» ավիաընկերության № Z2100 չվերթն (Ալմաթի-Նուր-Սուլթան) իրականացնող մարդատար ինքնաթիռի 27.12.2019 վթարի առնչությամբ Ղազախստանում Հայաստանի դեսպանությունը հայտնում է իր ցավակցությունները զոհվածների բարեկամներին և հարազատներին»,- ասված է դեսպանատան հաղորդագրության մեջ:

Ինչպես ավելի վաղ VERELQ-ը տեղեկացրել էր, այսօր առավոտյան Ալմաթի-Նուր-Սուլթան չվերթն իրականացնող ինքնաթիռը անմիջապես թռիչքից հետո բախվել է շինության: Վերջին տեղեկությունների համաձայն՝ զոհերի թիվը հասել է 12-ի, ավելի քան 50-ը տուժել են:

Ղազախստանի նախագահը դեկտեմբերի 28-ը երկրում սգո օր է հայտարարել: