«Ես հիվանդ մարդկանց հետ գործ չունեմ». Սերժ Սարգսյանը Եռաբլուրում է

ՀՀ երրրոդ նախագահ Սերժ Սարգսյանի գլխավորությամբ Հայաստանի Հանրապետական կուսակցությունը «Եռաբլուր» զինվորական պանթեոնում հարգանքի տուրք մատուցեց 2016թ. ապրիլյան զոհերի հիշատակին։

Ինչպես հայտնում է Aysor-ը, պանթեոն ժամանելով՝ Սերժ Սարգսյանը դիմեց լրագրողներին՝ ասելով. «Ես խնդրում եմ չխանգարել»։

Երրորդ նախագահը մի շարք հարցեր թողեց անպատասխան ու արձագանքեց դրանից միայն մեկին, երբ լրագրողը խնդրեց մեկնաբանել մեղադրանքները, թե Ապրիլյան պատերազմը պայմանավորված է եղել։

«Ես հիվանդ մարդկանց հետ գործ չունեմ», - ասաց Սերժ Սարգսյանը։

Նշենք, որ ավելի վաղ մամուլում տեղեկատվություն էր տարածվել, թե ՀՀԿ-ն՝ ի դեմս Սերժ Սարգսյանի, Եռաբլուր ոչ թե եկել է, այլ սահմանափակվել ծաղիկներ ուղարկելով: