Ի՞նչ է ակնկալում Նիկոլ Փաշինյանը ԱԳ նախարարների մոսկովյան հանդիպումից

ՀՀ վարչապետ Նիկոլ Փաշինյանը լրագրողների հետ հանդիպմանն ասաց, թե ինչ հիմնական ակնկալիքներ ունի այսօր Մոսկվայում կայանալիք Հայաստանի և Ադրբեջանի ԱԳ նախարարների հանդիպումից։

Փաշինյանը նշեց, որ այս հանդիպումը մեկ միասնական գործընթացի շարունակությունն է, հետևաբար այս հանդիպումից ակնկալիքները նույնն են։

«Իմ ակնկալիքներն առաջին հերթին կապված են արտաքին գործերի նախարարի աշխատանքի հետ։ Ակնկալում եմ, որ հնարավոր կլինի համաձայնության գալ խաղաղության պայմանագրի ևս մի քանի կետերի շուրջ և որոշում կայացնել Լաչինի միջանցքի ապաշրջափակման հարցում»,- ասաց վարչապետը։