Պաղեստինը ողջունում է Իսրայելի ու Պաղեստինի առաջնորդների հանդիպումը Մոսկվայում անցկացնելու՝ Ռուսաստանի նախագահ Վլադիմիր Պուտինի առաջարկը։ Այս մասին հայտնել է Պաղեստինի առաջնորդ Մահմուդ Աբբասը Սոչիում Պուտինի հետ համատեղ մամուլի ասուլիսի ժամանակ։«Մենք ողջունում ենք ձեր հրավերքը՝ եռակողմ հանդիպում անցկացնել Մոսկվայում, ու մենք պատրաստ ենք ընունել նման հրավերքներ ցանկացած պահի, քանի որ Ռուսաստանը առանցքային դերակատարում ունի միջազգային ասպարեզում ու մեր տարածաշրջանում խաղաղության հաստատմանն ուղղված ջանքերում»,- նշել է Աբբասը։
