Իրանն ավելացնելու է իր ռազմական ներկայությունը Սիրիայում։ Այդ մասին հայտարարել է Իսլամական հեղափոխության պահապանների գնդի ցամաքային ուժերի հրամանատար Մոհամադ Պակպուրը։Փորձագետ Անտոն Մարդասովը հայտարարել է, որ Իրանը Սիրիայում ներկայացված է ոչ միայն ռազմական փորձագետներով, այլև այնտեղ գործում են հատուկ ջոկատայինները` հայտնի Ալ–Կոդս ջոկատը։Ըստ նրա, իրանական ուժերը օգնում էին Սիրիային անմիջական ռազմական գործողությունների ընթացքում։ Սիրիական բանակն ունի բարեփոխման կարիք` նրանց պետք են նոր կադրեր և զինատեսակներ։Փորձագետը նշել է, որ Սիրիայում մարտնչում են նաև շիական տարբեր խմբավորումներ` լիբանանյան և իրաքյան Հզբոլահը ու Իրանի կողմից ֆինանսավորվող այլ շիական խմբավորումներ։
