Իսրայելը ԱՄՆ նախագահ Դոնալդ Թրամփի այցի նախաշեմին մի շարք տնտեսական զիջումներ է արել Պաղեստինի համար, հաղորդում է Reuters գործակալությունը:«Անվտանգության հարցերով կաբինետը հավանության է արժանացրել տնտեսական միջոցառումները, որոնք կթեթեւացնեն Պաղեստինի ինքնավարության առօրյա կյանքը: Սա տեղի է ունեցել Թրամփի այցի նախօրեին, որը խնդրել էր վստահությանն ուղղված գործողություններ իրականացնել»,- ասվում է գերատեսչության հայտարարության մեջ:Աղբյուրները նշում են, որ զիջումները սպառնալիքի տակ չեն դնի Իսրայելի շահերը:
