Իրանում այսօր իրականացված երկու ահաբեկչությունների զոհ է դարձել 12 մարդ, 42-ը վիրավորվել է: Այս մասին հաղորդում է Mehr գործակալությունը: Իրավապահները ոչնչացրել են բոլոր չորս ահաբեկիչներին, որոնք այսօր ահաբեկչություն են իրականացրել Իրանի Մեջլիսում: Իրավապահների տվյալներով այլ հանցագործներ խորհրդարանի շենքում չկան: Երկրի ներքին գործերի փոխնախարար Հոսեյն Զոլֆաքարին հայտարարել է, որ ահաբեկիչները խորհրդարան էին ներխուժել կանանց հագուստով: Ինչ վերաբերում է Իմամ Խոմեյնիի դամբարանում կատարվածին, ապա նախարարության համաձայն՝ դամբարանում մահապարտ ահաբեկիչներից մեկը սպանվել է անվտանգության ուժերի կողմից, իսկ մյուսը հասցրել է ինքն իրեն պայթեցնել:
