ԱՄՆ նախագահ Դոնալդ Թրամփը օգնություն է առաջարկել Կատարի էմիրին արաբական երկրների հետ ճգնաժամի կարգավորման հարցում։ Այս մասին Թրամփը հայտնել է Կատարի էմիր Թամիմ բին Համադ ալ- Թանիի հետ հունիսի 7-ին տեղի ունեցած հեռախոսազրույցի ընթացքում, հայտնում է Reuters-ը՝ վկայակոչելով Սպիտակ տունը։Նախագահը շեշտել է այն կարեւորությունը, որ տարածաշրջանային բոլոր երկրները աշխատեն միասին ահաբեկչական կազմակերպությունների ֆինանսավորումը կանխելու ու ծայրահեղական գաղափարախոսության առաջխաղացումը դադարեցնելու ուղղությամբ։ Թրամփը առաջարկել է կարգավորել դիվանգիտական ճգնաժամը, այդ թվում Սպիտակ տանը հանդիպման միջոցով։
