Էրդողանը խոստացել է այլևս երբեք թույլ չտալ ռազմական հեղաշրջման փորձ իրականացնել

Թուրքիայի նախագահ Ռեջեփ Թայիփ Էրդողանը հայտարարել է, որ Անկարան երբեք թույլ չի տա ռազմական հեղաշրջման նոր փորձ իրականացնել, ինչպես դա տեղի էր ունեցել անցյալ տարվա հուլիսի 15-ին:

«Հուլիսի 15-ի աղետը, որը տեսանք այն ժամանակ, երբ մտածում էինք, թե հեղափոխությունների դարաշրջանը Թուրքիայում ավարտվել է, խոր վերքեր է թողել մեր ժողովրդի սրտում և հիշողության մեջ», - նշել է նա։
Նրա խոսքով` Թուրքիան ներկայում առավել վճռականորեն է պայքարում ահաբեկչական խմբավորումների դեմ, քան նախկինում, և հուլիսի 15-ին տարած հաղթանակը մեծ նշանակություն է ունեցել այդ փոփոխությունների համար:

«Հուսով եմ, որ դաս ենք քաղել հուլիսի 15-ից և երբեք թույլ չենք տա դրա կրկնությունը»,- ընդգծել է Էրդողանը:

Էրդողանի խոսքով` Գյուլենի կողմնակիցները գիտակցում են, որ «ի զորու չեն դիմագրավել թուրք ժողովրդի կամքին»:

Անցյալ տարվա դեկտեմբերին Ստամբուլում սկսվել է հուլիսյան հեղաշրջման փորձի առնչությամբ առաջին դատական գործընթացը Գյուլենի կողմնակիցների դեմ: