Կատարի իշխանությունները հայտնել են թուրք զինծառայողների ժամանման մասին։ Նրանք տեղավորվել են մայրաքաղաք Դոհայի ռազմաբազաներից մեկում, փոխանցում է Reuters-ը։Ավելի վաղ հայտնի է դարձել, որ թուրք զինծառայողների առաջին խումբը հունիսի 19-ին Կատար է ժամանել՝ համատեղ զորավարժությունների մասնակցելու համար։Կատարում զորավարժությունների նպատակով թուրքական զորամիավորում տեղակայելու մասին համաձայնագիրն ուժի մեջ է մտել 2015 թվականի հոկտեմբերին։ Թուրքական գլխավոր շտապի տվյալներով՝ 2016 թվականի ապրիլին Կատարի տարածքում թուրքական զորամիավորում տեղակայելու շուրջ աշխատանքները սկսելու մասին համաձայնագիր է կնքվել, որը Թուրքիայի խորհրդարանը հավանության է արժանացրել 2017 թվականի հունիսի 7-ին։Կատարում Թուրքիայի դեսպան Ահմեդ Դեմիրոքը հայտնել է, որ բազայում շուրջ 3 հազար ցամաքային զորքերի զինծառայողներ, երկրի ռազմաօդային եւ ռազմածովային ուժերի ներկայացուցիչներ, ինչպես նաեւ հրահանգիչներ եւ հատուկ նշանակության ուժեր կտեղավորվեն։