ՌԴ ՊՆ-ն հայտարարել է Սիրիայում լարվածության թուլացման երրորդ գոտին ստեղծելու մասին

Ռուսաստանի պաշտպանության նախարարության եւ սիրիական չափավոր ընդդիմության ներկայացուցիչները Կահիրեում հանդիպման ժամանակ պայմանավորվել են ստեղծել լարվածության թուլացման երրորդ գոտին։ Այս մասին հայտարարել է ՌԴ պաշտպանության նախարարության պաշտոնական ներկայացուցիչ գեներալ մայոր Իգոր Կոնաշենկովը, փոխանցում է «ՌԻԱ Նովոստի»-ն։

«Հուլիսի 31-ին Կահիրեում տեղի են ունեցել Ռուսաստանի պաշտպանության նախարարության եւ սիրիական չափավոր ընդդիմության ներկայացուցիչների հերթական բանակցությունները։ Հանդիպման արդյունքում պայմանավորվել են ստեղծել լարվածության թուլացման երրորդ գոտին՝ Հոմս քաղաքից հյուսիս ընկած տարածքում»,- ասել է նա։