Թուրքիան կարող է ապահովել Կատարի բոլոր պահանջները. թուրք նախարար

Թուրքիան կարող է ապահովել Կատարի բոլոր պահանջները։ Այդ մասին թուրք-քաթարական գործարար համաժողովի ժամանակ ասել է Թուրքիայի էկոնոմիկայի նախարար Նիհաթ Զեյբեքչին, հայտնում է թուրքական TRT Haber հեռուստաալիքը։

Թուրք նախարարն ընդգծել է երկու երկրների միջև հարաբերությունների ռազմավարական բնույթը։ Ամբողջ աշխարհում Կատարի ներդրումների ընդհանուր ծավալը 335 մլրդ դոլար է, Թուրքիայում Կատարի ներդրումների ծավալը՝ 18 մլրդ դոլար, նշել է նախարարը։

Պարսից ծոցի պետությունները խզել են դիվանագիտական հարաբերությունները Կատարի հետ՝ նրան մեղադրելով ահաբեկչությանն աջակցելու համար։ Դոհային ներկայացվել է տասներեք պահանջներից բաղկացած ցուցակ, որոնց կատարման դեպքում միայն երկրի հետ հարաբերությունները հնարավոր է վերականգնվեն։