Բարզանի. Քրդստանի անկախության հանրաքվեն կօգնի լուծել տարածաշրջանի խնդիրները

Էրբիլի անկախության հանրաքվեի անցկացումը կօգնի լուծել տարածաշրջանի խնդիրները։ Այդ մասին հայտարարել է Իրաքի Քրդական ինքնավարության ղեկավար Մասուդ Բարզանին, փոխանցում է Trend–ը։

Նրա խոսքով, Իրաքի կենտրոնական իշխանությունները չեն իրականացնում իրենց պարտավորությունները։

«Իրաքի կառավարությունը դադարեցրել է փեշմերգայի ֆինանսավորումը։ ԻՊ–ի դեմ պայքարում փեշմերգայի ուժերը մեծ ռիսկերի է ենթարկվել, քանի որ Իրաքի կառավարությունը չէր ֆինանսավորում նրանց»,–նշել է նա։

Ըստ նրա, Քրդական ինքնավարությունում անկախության հանրաքվեի անցկացմանն ոչինչ չի կարող խոչընդոտել։