Իրաքյան Քուրդիսատանի անկախության հանրաքվեի դեմ արտահայտվող հարեւան պետությունները դիմում են գործնական քայլերի: Թուրքիան, որ կտրականապես դեմ է արտահայտվում Իրաքյան Քուրդիստանի անկախացմանը, քանի որ համապատասխան գործընթացներ կարող են նախաձեռնվել նաեւ Թուրքիայի քրդաբնակ տարածաշրձջաններում, զորքեր է կենտրոնացրել Իրաքի հետ սահմանին: Ձեռքերը ծալած չի նստում նաեւ Իրանը: Թեհրանը եւս դեմ է արտահայտվում Իրաքյան Քուրդիստանի անկախացմանը: Սեպտեմբերի 25-ին նախատեսված անկախության հանրաքվեից մեկ օր առաջ Իրանը փակել է իր օդային տարածքը Իրաքյան Քուրդիստան եւ այնտեղից չվերթների համար: Ինչպես հայտնում է PressTV-ն, վկայակոչելով Իրանի Անվտանգության բարձրագույն խորհրդին, նման քայլի Իրանը գնացել է պաշտոնական Բաղդադի պահանջով: Հիշեցնենք, որ Իրաքյան Քուրդիստանը մտադիր է սեպտեմբերի 25-ին անկախության հանրաքվե անցկացնել, որին կտրականապես դեմ է Իրաքը, ժաշխարհի մի շարք գերտերություններ, այդ թվում՝ Իրանը եւ Թուրքիան:
