«Հայաստանի Հանրապետության և Ռուսաստանի Դաշնության միջև Հավաքական անվտանգության կովկասյան տարածաշրջանում հակաօդային պաշտպանության միավորված տարածաշրջանային համակարգ ստեղծելու մասին» համաձայնագրի վավերացումը ԱԺ արտահերթ նստաշրջանի օրակարգում ներառված չէ: Մինչդեռ հարցի քննարկումը նախատեսված էր դեռ ԱԺ վերջին քառօրյա նիստի շրջանակում, սակայն հունիսի 6-9 նիստերում էլ հարցին խորհրդարանականները չանդրաարձան: ԱԺ ՀՀԿ խմբակցության ղեկավար Վահրամ Բաղդասարյանի խոսքով՝ շտապելու խնդիր չունեն: «Ե՞րբ է օրակարգում եղել, որ հանվել է: Ոչ էլ այսօր արտահերթի նիստով էր բերվելու: Ժամկետները մենք ենք որոշում»,- լրագրողների հետ ճեպազրույցում ասաց պատգամավորը: Բաղդասարյանը դժվարացավ ասել, թե երբ համաձայնագիրը կվերվի խորհրդարան և մերժեց այն լուրերը, թե հետաձգումը պայմանավորված է բողոքի ակիաներով:
