ՌԴ նախագահի մամուլի խոսնակ Դմիտրի Պեսկովը խոստացել է հայտնել լրագրողներին, եթե ՌԴ նախագահ Վլադիմիր Պուտինը հանդիպում ունենա ԱՄՆ նախագահի ազգային անվտանգության հարցերով խորհրդական Ջոն Բոլթոնի հետ, ով այցով ժամանում է Մոսկվա. հայտնում է РИА Новости-ն: Պեսկովի խոսքով` ռուսական կողմը ցանկանում է քննարկել Բոլթոնի հետ միջազգային կայունությանը և անվտանգությանն առնչվող հարցեր, զինաթափման թեմատիկան, տարածաշրջանային խնդիրները և ռուս-ամերիկյան հարաբերությունները: Նշենք, որ հունիսի 27-ին Բոլթոնի հետ կհանդիպի ՌԴ ԱԳՆ ղեկավար Սերգեյ Լավրովը:
