Ռուսաստանի ու Թուրքիայի ԱԳ ղեկավարները բանակցություններ են վարել

Ռուսաստանի ու Թուրքիայի արտգործնախարարներ Սերգեյ Լավրովն ու Մեվլութ Չավուշօղլուն Սինգապուրում Հարավարեւելյան Ասիայի պետությունների ասոցիացիայի գծով նախարարական միջոցառումների շրջանակում քննարկել են երկկողմ հարաբերությունները ու միջազգային օրակարգը, հայտնել է Ռուսաստանի ԱԳՆ-ն։

«Քննարկվել են երկկողմ հարաբերությունների զարգացման հրատապ հարցերը ու միջազգային օրակարգը»,- նշված է գերատեսչության հաղորդագրության մեջ։

Լավրովը մասնակցել է Հարավարեւելյան Ասիայի պետությունների ասոցիացիայի գծով նախարարական միջոցառումներին, այդ թվում Արևելաասիական գագաթնաժողովի անդամների ԱԳՆ ղեկավարների 8-րդ հանդիպմանն ու անվտանգության հարցերով 25-րդ տարածաշրջանային ֆորումին։