Ֆելգենհաուեր. թե՛ Հայաստանը, թե՛ Ադրբեջանը պատրաստվում են պատերազմի
"Բնականաբար, կցանկանայի հավատալ, որ Ղարաբաղում այլևս չի լինի պատերազմ, սակայն ես լավատեսության իրական հիմքեր չեմ տեսնում: Մեծ հաշվով Վիեննայում Հայաստանի ու Ադրբեջանի նախագահների հանդիպումն անարդյունավետ էր: Սակայն իրական հրադադարը հնարավոր է միայն այն դեպքում, եթե դրան համաձայնեն երկու կողմն էլ: Հետևաբար, եթե հակամարտող կողմերից մեկը շահագրգռված չէ հրադադարի հարցում, ապա այն չի լինի: Տվյալ դեպքում, ի հակադրումն այն հայտարարությունների, որ Ղարաբաղյան հակամարտությունը չունի ռազմական լուծում, թե՛ Հայաստանը, թե՛ Ադրբեջանը պատրաստվում են հենց պատերազմի": Այդ մասին հայտարարել է ռուս հանրահայտ փորձագետ, ռազմական մեկնաբան Պավել Ֆելգենհաուերը:
Նա նշել է, որ Վիեննայում Հայաստանի ու Ադրբեջանի նախագահների հանդիպումն անցկացվել է Սիրիայի հարցի շուրջ ԱՄՆ-ի ու Ռուսաստանի շահերի հերթական բախման ֆոնին, որը Վաշինգտոնի ու Մոսկվայի համար ավելի կարևոր է թվում, քան Ղարաբաղի հարցը: ԱՄՆ-ն ու Ռուսաստանը Սարգսյանի ու Ալիևի ներկայիս հանդիպման շնորհիվ հերթական անգամ Երևանին ու Բաքվին կոչ են արել այլևս «իրենց չպահել անվայել», ինչին հակամարտող կողմերն ասել են՝ «իհարկե», և շարունակել պատրաստվել պատերազմի, փոխանցում է haqqin.az-ը:
Նրա խոսքով, հայկական կողմը Սարգսյանից պահանջում է հետ վերադարձնել այն տարածքները, որոնք կորցվել են քառօրյա պատերազմի օրերին: Ըստ նրա, Ադրբեջանը լուրջ մարտական հաջողություն է գրանցել և բանը այն չէ, թե քանի հետկար են կորցրել հայկական ուժերը, այլ այն, որ ադրբեջանական բանակին հաջողվել է գրավել ռազմավարական առումով կարևոր դիրքեր, իսկ հայկական կողմը հակագրոհով դրանք չի կարողացել հետ նվաճել: Բնականաբար, Սարգսյանը փորձում է նվազեցնել հայկական կողմի կորուստնեիրն ու հենց այդ դիրքորոշումը խոսում է այն մասին, որ ռազմական գործողությունների վերսկսման հնարավորությունն առկա է: Նա հավելել է, որ Սարգսյանի համար կարևոր է հետ գրավել քառօրյա պատերազմի ժամանակ կորցված դիրքերը:
