Թուրքիայի նախագահ Թայիփ Էրդողանը հայտարարել է, որ իր երկիրը ստիպված գնացել է Իսրայելի հետ առևտրային հարաբերությունները դադարեցնելու և դադարեցրել է առևտրաշրջանառությունը, որի ծավալը հասնում էր 9,5 մլրդ դոլարի: "Իսրայելի և Պաղեստինի միջև ծավալված իրադարձություններն անընդունելի են։ Իսրայելը սպանել է 40-45 հազար պաղեստինցիների: Մենք՝ որպես մահմեդականներ, պարզապես չէինք կարող լինել դիտորդ։ Մենք ստիպված եղանք քայլեր ձեռնարկել և կատարեցինք այն քայլը, որը պահանջվում էր։ Մենք ունեինք 9,5 մլրդ դոլարի առեւտրաշրջանառություն, այժմ դադարեցրել ենք այն", - Ստամբուլում լրագրողներին ասել է նա, փոխանցում է ՏԱՍՍ-ը։ Թուրքիայի առաջնորդը նշել է, որ ավելի վաղ ԱՄՆ-ում հանդիպել էր Իսրայելի վարչապետ Բենյամին Նեթանյահուի հետ՝ նախքան ներկայիս ճգնաժամի բռնկումը: "Ես հենց այնպես չեմ հանդիպել նրան, այլ ցույց տալու համար, որ Թուրքիան և Իսրայելը կարող են միասին որոշ քայլեր անել։ Բայց Նեթանյահուն ապացուցեց, որ անողոք է և ցույց տվեց այդ անողոքությունը երեխաների, կանանց և ծերերի նկատմամբ [Գազայում]: Ամբողջ Արևմուտքը, հատկապես ԱՄՆ-ն, աշխատում են Իսրայելի շահերից ելնելով", - ասել է նա։