Ադրբեջանի փոխվարչապետ Շահին Մուստաֆաևը մոտ ապագայում կայցելի Իրան։ Ըստ ադրբեջանական լրատվամիջոցների՝ այցի նպատակն է ծանոթանալ համատեղ նախագծերի իրականացման ներկայիս վիճակին։ Բացի այդ, Շահին Մուստաֆաևը իրանցի պաշտոնյաների հետ կքննարկի Ադրբեջանի և Իրանի միջև տնտեսական գործընկերության հարցեր՝ Տնտեսական համագործակցության համատեղ հանձնաժողովի շրջանակներում, ինչպես նաև կփոխանակի մտքեր այս ուղղությամբ հնարավոր խոչընդոտների վերացման վերաբերյալ։
