Փետրվարի 3-ին Թբիլիսիում տեղի է ունեցել Վրաստանի խորհրդարանի առաջին փոխխոսնակ Գիորգի Վոլսկու հանդիպումը Հայաստանի Հանրապետության արտակարգ և լիազոր դեսպան Աշոտ Սմբատյանի հետ: Հանդիպման ընթացքում կողմերը քննարկել են երկկողմ միջխորհրդարանական փոխգործակցության լայն շրջանակի հարցեր: Ինչպես հաղորդում է Վրաստանում ՀՀ դեսպանությունը, հատուկ ուշադրություն է դարձվել երկու երկրների օրենսդիր մարմինների միջև համագործակցության ընդլայնման հեռանկարներին։ Դիվանագետները քննարկել են նաև միջազգային խորհրդարանական հարթակներում գործողությունների համակարգման և փոխադարձ աջակցության հնարավորությունները:
