Եվրոպան է հովանավորել հեղաշրջման փորձը. Կալաձեն՝ Թբիլիսիում ցույցերի մասին

Վրաստանի մայրաքաղաքում տեղի ունեցած զանգվածային անկարգությունների տարելիցին պաշտոնական Թբիլիսին կոշտ մեղադրանքներ է հնչեցրել Արևմուտքի հասցեին։

Քաղաքապետ, իշխող «Վրացական երազանք» կուսակցության առաջնորդներից Կախա Կալաձեն հայտարարել է, որ 2025 թվականի հոկտեմբերի 4-ին նախագահական նստավայրի գրոհն ու հեղաշրջման փորձը ոչ միայն ծրագրվել, այլև ֆինանսավորվել են եվրոպական կառույցների կողմից։

Հիշեցնելով մայրաքաղաքի կենտրոնում ծավալված արմատական բողոքի ակցիաների մասին՝ քաղաքապետն ընդգծել է, որ անգամ մեկ տարի անց միջազգային գործընկերները դատապարտող որևէ հայտարարությամբ հանդես չեն եկել։ Նրա խոսքով՝ օրինականություն պահանջելու փոխարեն, անկարգությունների հեղինակներն արժանացել են միայն աջակցության։

«Եվրոպական կառույցների կողմից հոկտեմբերի 4-ի գործով մենք լսել ենք միայն խրախուսանք, քանի որ պետական հեղաշրջման փորձը ֆինանսավորվում էր հենց նրանց կողմից»,- լրագրողների հետ զրույցում նշել է Կալաձեն։

Վրացի քաղաքական գործիչը համոզմունք է հայտնել, որ ԵՄ-ի կողմից արձագանքի բացակայությունը պատահականություն չէ՝ մեղադրելով արևմտյան գործընկերներին հեղափոխության նպատակաուղղված արտահանման մեջ։

«Ես եվրոկառույցներից ոչ մի հայտարարություն չեմ լսել. ընդհակառակը, տեղի է ունեցել միայն խրախուսանք, քանի որ այս ամենը ծրագրված էր հենց նրանց կողմից։ Նրանց աջակցությամբ ու ֆինանսավորմամբ սկսվեց մի արշավ, որն ուղղված էր պետական հեղաշրջմանն ու հեղափոխությանը։ Նրանց հիմնական խնդիրը երկրում գործող իշխանության տապալումն էր»,- եզրափակել է Թբիլիսիի քաղաքապետը։