Չեմ կարող մեկնաբանել. Պապիկյանը փոխվարչապե՞տ

Տարածքային կառավարման և ենթակառուցվածքների նախարարի պաշտոնակատար Սուրեն Պապիկյանը չի մեկնաբանում լուրերը՝ արդյոք նշանակվելու է փոխվարչապետ։

Կառավարության այսօրվա նիստից հետո լրագրողները Պապիկյանից հետաքրքրվեցին՝ որքանո՞վ են այդ լուրերը համապատասխանում իրականությանը.   

«Չեմ կարող մեկնաբանել։ Չեմ կարող հաստատել մի բան, որը տեխնիկապես հնարավոր չէ», - միայն ասաց Պապիկյանը։

Նախարարի պաշտոնակատարը նաև չպատասխանեց հարցին, թե ինչ որոշում կկայացնի առաջարկի դեպքում:

VERELQ-ը հիշեցնում է, որ ըստ մամուլի՝ տարածքային կառավարման նախարար Սուրեն Պապիկյանի՝ ԱԺ նախագահ դառնալու հարցը փակ է, նա կդառնա փոխվարչապետ, իսկ մինչ պաշտոնին նշանակվելը, նախարարի նախկին գործառույթներն իր հետ կտեղափոխի փոխվարչապետի գործառույթների տիրույթ։