Դաշինքը պատրաստակամ է ստանձնել ամբողջական պատասխանատվություն. Իշխան Սաղաթելյան

Առաջիկա ընտրություններին ՀՀ երկրորդ նախագահ Ռոբերտ Քոչարյանի և «Վերածնվող Հայաստան» կուսակցության հետ հանդես կգանք դաշինքով։ Այս մասին ֆեյսբուքյան իր էջում գրել է ՀՅԴ ԳՄ ներկայացուցիչ Իշխան Սաղաթելյանը, ով նաեւ տեսաուղերձ է հղել:


Ուղերձում ասվում է.


«Ապրիլի 18-ին տեղի ունեցավ ՀՅԴ Հայաստանի կազմակերպության 24-րդ գերագույն ժողովը, որը քննարկեց սպասվող ընտրություններին Դաշնակցության մասնակցության հարցը: Ժողովը որոշեց, որ հնարավոր ընտրությունների դեպքում ՀՅԴ-ն պետք է մասնակցի այդ ընտրություններին եւ այդ ընտրությունները դիտարկի որպես այս չարիքի կառավարությանը հեռացնելու միջոցներից մեկը: Միաժամանակ Ժողովը լիազորեց ԳՄ-ին ընտրությունյներին մասնակցելու ձեւաչափի հետ կապցված ընդունել որոշում:


Այժմ ՀՅԴ ԳՄ-ն ընդունել է որոշում առաջիկա ընտրություններին մասնակցելու ձեւաչափի եւ անելիքների մասին: Այսժմ ես ներկայացնում եմ ՀՅԴ ԳՄ հայտարարությունը:


ՀԱՅՏԱՐԱՐՈՒԹՅՈՒՆ


Մեր ինքնության եւ պետականության պահպանման պահպանումը, երկրի անվտանգության ապահովումը պահանջում են ազգային ուժերի եւ գործիչների համախմբում եւ միասնական պայքար ուղղված գործող իշխանության հեռացնելուն կանխելու ընտրությունների անվան տակ նրանց հնարավոր վերարտադրությունը: ՀՅԴ ԳՄ-ն ՀՅԴ Հայաստանի կազմակերպության 24-րդ Գերագույն ժողովի կողմից տրված լիազորությունների շրջանակում, տարբեր քաղաքական ուժերի եւ գործիչների հետ քննարկումների արդյունքում անհրաժեշտ է համարել առաջիկա հնարավոր խորհրդարանական ընտրություններին մասնակցել միասնական ճակատով:


Հիմք ընդունելով ներքաղաքական իրավիճակին տրված գնահատականները, ճգնաժամը հաղթահարելու եւ երկիրը զարգացման հուն տեղափոխելու փորձը, ինչպես նաեւ Հայաստանի տեսլականի ընդհանրությունները, ՀՅԴ Հայաստանի ԳՄ-ն որոշել է.


ՀՀ երկրորդ նախագահ Ռոբերտ Քոչարյանի եւ «Վերածնվող Հայաստան» կուսակցության հետ հանդես գալ համատեղ դաշինքով:


Դաշինքը պատրաստակամ է ստանձնել ամբողջական պատասխանատվություն՝ համազգային միասնականությամբ և համատեղ ջանքերով ձևավորել նոր որակի իշխանություն, լուծել երկրի առջև ծառացած լրջագույն մարտահրավերները, կասեցնել պետականության փլուզումը, կերտել Հայաստանի երաշխավորված ապագան»:


Դաշինքի ձեւավորման, դաշինքի անվան, համամասնական ցուցակի եւ մնացած անելիքների մասինմենք առաջիկայում հանդես կգանքհամատեղ հայտարարությամբ»:


Տպել

Загрузка...