Թուրքիան հույս ունի, որ ԱՄՆ-ը չի զոհաբերի իր հետ հարաբերությունները Ս-400-ի պատճառով

Թուրքիան ակնկալում է, որ ԱՄՆ նախագահ Դոնալդ Թրամփը չի զոհաբերի իր հետ հարաբերությունները Անկարայի կողմից ռուսական S-400 զենիթահրթիռային համակարգեր ձեռք բերելու կապակցությամբէ հայտարարել է Թուրքիայի առաջնորդ Թայիփ Էրդողանը:

«Թուրքիայի անվտանգությունը նաև ՆԱՏՕ-ի և ողջ տարածաշրջանի անվտանգությունն է: Չկա որևէ ապացույց այն մասին, որ S-400- ը սպառնալիք է, – ասել է Էրդողանը՝ ելույթ ունենալով Անկարայում Թուրքիայի դեսպանների խորհրդաժողովում։

Նրա խոսքով ՝ S-400-ի գնումը ռազմավարական չէ, այլ առևտրի խնդիր է: «Մենք Միացյալ Նահանգներին առաջարկել ենք քննարկում բոլոր մակարդակներում, բայց պատասխան չենք ստացել», – հավելել է Էրդողանը: