Միացյալ Նահանգները և Իսրայելը պետք է ճանաչեն Հայոց ցեղասպանությունը. Bloomberg

«Միացյալ Նահանգները և Իսրայելը պետք է ճանաչեն Հայոց ցեղասպանությունը»` հեղինակավոր Bloomberg պարբերականն իր հոդվածում անդրադարձել է Հայոց ցեղասպանությանը։

Հոդվածում նշված են օրերս տեղի ունեցած դեպքերը: Մասնավորապես այն, թե ինչպես Գազայի հատվածում Իսրայելի ուժայինների գործողությունների հետևանքով մի քանի տասնյակ պաղեստինցու մահից հետո պաշտոնական Անկարան հետ կանչեց ԱՄՆ-ում ու Իսրայելում իր դեսպաններին, իսկ Թուրքիայի նախագահ Ռեջեփ Թայիփ Էրդողանը Իսրայելի գործողություններն անվանեց «ցեղասպանություն»:

«Էրդողանի հարձակումը բացեց հնարավորության պատուհան ինչպես Վաշինգտոնի, այնպես էլ Երուսաղեմի համար՝ կոտրելու տասնամյակներ շարունակվող հերքումն ու ճանաչել Հայոց ցեղասպանությունը»,– նշված է հոդվածում։

Իսրայելի կառավարության մի քանի նախարար կողմ են արտահայտվել Թուրքիային պատժող գործողությունների դիմելու և ցեղասպանությունը ճանաչելու օգտին: